Liongo

(Mito mula sa Kenya)

Isinalin sa Filipino ni Marina Gonzaga-Merida

 

PAGKILALA SA MAY-AKDA

Dr. Jan Knappert

    Si Dr. Jan Knappert ay isang kilalang eksperto sa Swahili language. Siya din ay isang Esperantist, at sinulat niya din ang Esperanto-Swahili dictionary.

Si Knappert ay nag-translate din ng napakaraming literatura at historikal na gawa galing sa mga Swahili; katulad na lang ng Utendi wa Tambuka ("The Epic of Heraklios"), isa sa pinakamatanda at kilalang epikong tula ng swahili.

Bakit isinulat/isinalin ni Dr. Jan Knappert ang “Liongo?”

Marina Gonzaga-Merida
(nagbuod)

      Walang tunay na nakakaalam kung sino ang ang totoong nag-sulat ng Liongo isinalin lamang ito ni knappert dahil sa nakakaintindi ito ng swahili language, na isinalin naman ni Roderic P. Urgelles ,ang sumalin ng Liongo sa Filipino, Na ibinuod ni Marina Gonzaga-Merida.

      Ang pagsasaling wika ay isang napakahalagang bagay upang lubusang maipaintindi ang isang ideya sa isang nagsasalita ng ibang wika. Mayroon tayong patnubay o gabay sa pagsasalin ng wika. Nararapat na isaalang-alang ang orihinal na bersiyon at maging maingat ang pagsasalin nito. Dapat din na hindi lumayo ang ideya o salin na iyong ginagawa sa orihinal na bersiyon.

URI NG PANITIKAN

     MITO: ay kabilang sa kuwentong-bayan ng pilipinas. Ang kalimtang paksa nito ay tungkol sa simula ng daigdig. Mga unang lalaki at babae, at ang pinag-mulan ng araw at gabi. Popular din ang mga kuwento tungkol sa mga nuno sa punso ,diwata, lamang-lupa, tiyanak, at iba pang mga maligno.

Mga katangian ng mito:

      1.Nagiiwan ng mabuting aral.
2.Nagpapaliwanag ng pagkakalikha ng daigdig.
3.Naglalahad ng mga sinaunang gawain/ritwal at digmaang panrelihiyon.
4.Nagpapaliwanag ng kasaysayan ng isang lugar o pook.
5.Naglalarawan ng saloobin at damdamin,pangarap, at mithiin ng mga sinaunang tao.
6.Naglalarawan ng matatandang pamahiin at kaugalian.

Mga Elemento ng mito:

      1.Tauhan
2.Banghay
3.Tagpuan

LAYUNIN NG AKDA

        Layunin ng akda na ipaliwanag at ipasilip sa mga mambabasa ang halimbawa ng isang mito mula sa Kenya. Ipinapakita rin ng mitong Liongo ang kasaysayan, kultura, at sistema ng mga taga-Africa. Layunin din ng akda na ipakita ang pagkamalikhain ng mga taga-Africa dahil ginagamitan nila ng mga awitin  ang bawat kabanata ng mito.

MGA TEORYANG PAMPANITIKAN

   

Teoryang Klasismo

•Klasismo – ang akdang ito ay hindi naluluma o nalalaos. Hanggang ngayon ay isinasalin-salin pa rin ito  ng mga tao. Matipid at piling-pili ang mga salitang ginamit dito.

 Hal. “Ang bawat kabanata ng mitong ito ay naitatak at napanatiling buhay sa pamamagitan ng mga awitin.”

(Payak ang mga salitang ginamit at ipinapahiwatig ng linyang ito na hanggang ngayon ang mitong Liongo ay buhay pa rin.)

Teoryang Formalistiko

•Formalismo – maiintindihan at mauunawaan mo kaagad ang mensahe ng akda. Hindi kinakilangang himayin ang laman dahil napakadali na nitong unawain.

   Hal. “Si Liongo ay nagkaroon ng anak ng lalaki na kalaunan ay nagtaksil at pumatay sa kaniya.”

(Walang paligoy-ligoy na sinabi na ang anak ni Liongo ang pumatay sa kaniya. Di na kailangan pang intindihin dahil payak ang mga salitang ginamit.)

TEMA O PAKSA NG AKDA

    Matagal nang nalikha ang mitlohiyang ito ngunit napapanahon ito dahil maaari natin itong ikumpara sa mga pamilya at sa politika na nagtratrydoran para sa kapangyarihan tulad ng pagtataksil/pagpatay ng sariling anak ni Liongo sa kanyang ama. 

MGA TAUHAN/KARAKTER SA AKDA

•Liongo- isinilang si liongo sa isa sa pitong bayang nasa baybaying-dagat ng Kenya. Siya ang nagmamay-ari ng karangalan bilang pinakamahusay na makata sa kanilang lugar. Malakas at mataas din siya tulad ng isang higante, na hindi nasusugatan ng ano mang mga armas ngunit kung siya’y tatamaan ng karayom sa kaniyang pusod ay mamatay siya.

•Mbwasho- siya ang ina ni liongo.

•Sultan Ahmad- ang pinsan niyang gusto siyang patayin.

    Masasabing ang mga tauhan sa mito ay kumikilos tulad ng isang tao maliban lamang kay Liongo dahil walang taong di nasusugatan kahit ano ang iyong gawin.

TAGPUAN/PANAHON

Mga lugar na nabanggit

    Ang mga lugar sa mito ay totoo. Nabanggit ang mga lugar na Ozi, Ungwana sa Tana Delta, Shanga sa Fosa, Isla ng Pate. Lahat ito ay mga lugar sa Kenya. Masasabing ibinase sa totoong buhay ang mga pook. Matagal na panahon nang isinulat o nilikha ang mitong ito na nananatiling buhay dahil sa mga awiting taglay nito. 

NILALAMAN O BALANGKAS

     Masasabing payak ang pagkakabuod ng mito. Madali itong intindihin at hindi ginagamitan ng mga malallalim na mga salita. Mabilis ang usad ng mga pangyayari sa akda. Ipinakita ang pagiging malikhain ng mga tao noon dahil hinaluan nila ito ng mga awit at sayaw.

MGA KAISIPAN O IDEYANG TAGLAY NG AKDA

•Kahit anong gawin mong mabuti, masama pa rin ang tingin ng iba sa‘yo. Katulad ng pag traydor ng kaniyang pinsan na si Sultan Ahmad, ipinakita nito na marami pa ring masama at sakim sa mundo.

•Kahit ikaw ay walang ginagawa, marami pa ring tao ang maiinggit sa'yo. Katulad uli ito ni Sultan Ahmad na inggit kay Liongo. Ang pagkainggit niya ay lumala at naging dahilan kung bakit niya ipinakulong si Liongo.

•Kahit sino ay maaari kang traydorin alang-alang sa kapangyarihan. Sapagkat ang mga may kapangyarihan o may pwesto ay kaya tayong kontrolin o abusuhin gamit ang kanilang kapangyarihan kaya’t marami ang naghahangad ng kapangyarihang ito.

ESTILO NG PAGKAKASULAT NG AKDA

     Tila sa unang pagbasa kamangha-mangha ang bidang karakter. Sa paraan ng paghimay-himay ng diyalogo maliliwanagan ka sa nais iparating ng Akda. Mayroong diyalogo mababaw ang mga salita, mabilis mo itong maiintindihan. Masining, mahusay, at pag-iisip ng mga diyalogo. Kawili-wili itong basahin dahil mararamdaman mong kasapi ka rin dito at sa kamangha-manghang iyong natuklasan dito. Tila ang mito at ang mambabasa ay may koneksyon dahil sa mga ginamit na salita. 

BUOD

      Si Liongo ay isang mitolohikal na bayani ng mga mamamayan sa Swahili at Pokonio. Si Liongo ay ipinanganak sa isa sa pitong bayan sa baybayin ng Kenya. Siya ay may natatanging lakas at kasintaas ng higante. Hindi siya nasasaktan o nasusugatan ng anumang sandata ngunit kapag itinurok ang karayom sa kanyang pusod, siya ay mamamatay. Si Liongo ay hari ng Ozi at Ungwana sa Tana Delta at ng Shanga sa Fosa, isla ng Pate. Hinirang na bagong hari ay ang kanyang pinsang si Sultan Ahmad sa impluwensiya ng Islam. Nais mawala ni Sultan Ahmad si Liongo kaya ibinilanggo at ikinadena si Liongo. Ngunit nakawala si Liongo. Nagtungo sa kagubatan si Liongo at nanirahan doon kasama ang mga “Watwa”, ang mga nanahan sa gubat. Natuto pumana si Liongo at sumali ito sa paligsahan. Kalaunan, siya ay nanalo at nagging daan ito para siya ay mahuli ulit. Muli siyang nakatas at nakipagdigma sa Galla (Wagala), kung saan ang hari ay ipapakasal ang anak na babae kay Liongo upang mapabilang ang bayani sa kanyang pamilya. Sila ay nagkaroon ng anak na lalaki na kalaunan nagtaksil at pumatay sa kanya. 

Long Walk To Freedom

 Long Walk To Freedom

Sanaysay ni Mielad Al Oudt Allah
Mula sa South Africa
Sinuri nila Chrissha Quinto, Ruefort Aguilar, Bryle Atienza, Brianna Gutierrez at Jheremy Ortiguero

• PAGKILALA SA MAY-AKDA

Ang may-akda ay si Mielad Al Oudt Allah. Siya ay nag-aaral noon ng kaniyang Master's degree sa larangan ng politika nang likhain niya ang isang sanaysay patungkol sa libro ni Nelson Mandela na "Long Walk To Freedom" upang ihanda ang kaniyang kakayahan maging pinuno at tinitignan niya kung paano maapektuhan ng akda ang kaniyang buhay at ang mga aktor na naglaro sa kaniya.
Si Luther Star Idris Elba ang pinaka bagong aktor na naka-star bilang Nelson Mandela. Kinuha niya ang sentral na papel sa isang Long Walk To Freedom, isang adaptasyon ng autobiography ni Mandela.

• URI NG PANITIKAN

Ang uri ng panitikan ay isang sanaysay. Ito ay nagpapakita ng kaisipan at nagtuturo ng aral at maihahalintulad ito sa pagkuha ng may akda, na si Mielad Al Oudt Allah, ng inspirasyon kay Nelson Mandela at pagkuha sa akdang "Long Walk To Freedom".
Si F.W. de Klerk ay presidente ng Timog Aprika mula 1989 hanggang 1994, sa panahong iyon ay nagtatrabaho siya kay Nelson Mandela upang magtagumpay na wakasan ang apartheid na sistema ng panlipunang segrasyon.

• LAYUNIN NG AKDA

Ang layunin ng sanaysay ni Mielad Al Oudt Allah ay ang nagmulat, hindi lamang ng kaniyang diwa, kundi maging ng mga taong patuloy na ipinaglalaban ang kanilang kalayaan. Ginamit niya ang istorya ni Nelson Mandela bilang inspirasyon niya at ng lahat ng tao. Nais niyang ibahagi sa nakararami ang kabutihang naidulot ni Mandela sa kaniya bilang isang inspirasyon para sa ibang tao.

Paglalapat ng Teoryang Pampanitikan

" Ang sumunod ay aking pananaw sa buhay ni Mandela na isinalarawan sa aklat na ito at mga paraan kung paano tayo matututo mula sa isang dakilang pinuno "

BAYOGRAPIKAL- Ekspresyon ng mga natatagong katotohanan na may kaugnayan sa buhay at karanasan ng awtor.

" Sa pagsasaalang-alang ng opresyon at dominasyong namayani sa South Africa noong mga nakaraang dekada, masasabing ang pagkakaisa ng iba't ibang lipunan sa South Africa ay isang pambihirang tagumpay na marapat bigyang halaga."

HISTORIKAL- Pinapakita ang ugnayang namamagitan sa buhay ng mga tauhan at mga pwersa ng lipunan o umiiral sa kaniyang lipunan.

" Ang tanikala ng isang mamamayan ay tanikala ng buong bayan, ang tanikala ng bayan ay akin na ring tanikala. "

HUMANSIMO- Layunin ng panitikan na ipakita na ang tao ang sentro ng mundo.

•  TEMA O PAKSA NG AKDA

Ang tema ng akda ay patungkol sa paglaban sa diskriminasyon at pagpapalaganap ng pagkapantay-pantay ng bawat isa nang hindi alintana ang kulay o lahi.

•  MGA TAUHAN/KARAKTER SA AKDA

Nelson Mandela 

Siya ay isinilang noong 1918 sa maliit na nayon sa rehiyon ng Transkei. May kababaang loob at buo ang paninindigan sa kaniyang ipinaglalaban sa kaniyang pamumuno sa South Aftrica mula 1994 hanggang 1999.

Gadla Henry Mphakanyiswa
Ama ni Nelson Mandela na itinalagang pinuno ng bayan ng Mrezo.

Gobernador Mqhkezweni 

Nakapagimpuwensya kay Nelson Mandela noong siya ay bata pa.
“Na ang diwa ng demokrasya ay nangangahulugang ang lahat ng tao ay nagtatamasa ng Kalayaan sa pagpapahayag, at lahat sila ay pantay-pantay sa kanilang pagpapahalaga bilang mamamayan.”

•  TAGPUAN/PANAHON 

Maliit na nayon sa rehiyon ng Transkei
Dito isinilang si Nelson Mandela

Bayan ng Mrezo
Ito ang pook kung saan namumuno ang ama ni Nelson Mandela na si Gadla Henry Mphakanyiswa

Unibersidad ng South Africa
Paaralan kung saan nagtapos ng Bachelor of Arts si Nelson Mandela

Minahan ng carbon sa Johannesburg
Dito pansamantalang naghanap si Nelson Mandela ng trabaho kasama ang kaniyang kaibigan

Johannesburg
Dito naka tayo ang kaniyang law firm na nagbibigay ng libreng serbisyong legal sa mga “itim”.

South Africa
Bansang kaniyang pinamunuan 

•  NILALAMAN O BALANGKAS NG MGA PANGYAYARI

Panimula
Introduksiyon kay Nelson Mandela at inilarawan ang mga suliraning kinakaharap ng Africa.

Saglit na kasiglahan
Nagsimula sa pagsasalaysay ng maagang buhay ni Nelson Mandela at pagpapakilala sa kanyang magulang at kanilang mga suliranin.

Tunggalian
Ipinaglalaban ni Nelson Mandela ang pagkakapantay-pantay at karapatan ng bawat isa na “hindi nababase ang antas ng tao sa kanyang kulay o lahi.”

Kasukdulan
Ipinakita dito ang mga suliranin na humubog sa pagkatao ni Nelson Mandela pati ang mga mabibigat na karanasan na naging salik sa pagbuo ng kanyang katauhan.

Kakalasan
Isinalaysay dito ang mga narating sa buhay ni Nelson Mandela at ipinakita rin ang patuloy na paglaban sa diskriminasyon.

Wakas
Ipinaliwanag dito na ang kanyang kabataan ay puno ng pagmamahal sa kabila ng mapang-hamon na buhay. Ipinakita dito ang kanyang pagnanais na ipagtanggol ang kalayaan ng South Africa.

•  MGA KAISIPAN/IDEYANG TAGLAY NG AKDA

Ang mga ideya o kaisipang nakapaloob sa akda ay ang mga sumusnod:

"Kapag ikaw ay nagpursige at nagsipag, kaya mo
makamit ang nais mong makamit."

"Lahat ng pagsubok ay kaya nating
malampasan o malutas."

"Lahat tayo ay pantay-pantay. Walang
maitim o maputi."

•  ESTILO NG PAGKASULAT NG AKDA

Ang estilong ginamit ay pag papakilala sa karakter na si Mandela at pag-papakita ng mga karansan na ginawa ni Mandela at dito na rin binaggit ang mga naitulong o nagawa ni Mandela para sa South Africa.

•  BUOD

Ang sariling talambuhay ni Nelson Mandela ay nagbibigay-linaw sa kaniyang naging ambag sa tagumpay na ito. Itinuturing na isang panawagan sa iba't iba pang bansa sa daigdig na sikaping makamit ang sariling tunay na kalayaan. Si Mandela ay kasali sa National Congress Party at noong panahong naging pangulo sya ng South Africa, sinulat niya ang libro na “Long Walk to Freedom” na humubog sa kanya bilang maging “MANDELA”. Dito nagsimula ang paghahanda ni Mandela bilang pinuno at sa dakong huli, itinakda niya sa kaniyang sarili ang hangaring naging kaibuturan ng kanyang buhay: Ang ipagtanggol at ipaglaban ang kalayaan ng South Africa.

Salamat sa Pagbabasa! =) 

Buod ng El Filibusterismo

                   EL FILIBUSTERISMO

Pagkilala sa may Akda

Si Dr. Jose Protacio Rizal ay ang pambansang bayani ng Pilipinas. Siya ay isinilang noong Hunyo 19, 1861 sa Calamba, Laguna. Ang kanyang mga magulang ay sina G. Francisco Mercado at si Gng. Teodora Alonzo. Isinulat ni Dr. Jose Rizal ang kaniyang ikalawang nobela na El Filibusterismo noong Oktubre 1887 at nailimbag ito noong 1891. Isinulat niya ito para ialay sa tatlong paring martir na GOMBURZA. Gayundin, isinulat niya ito upang mabigyan ng kalinawanagan ang kaisipan ng mga mambabasa sa mga nangyaring katiwalian, pang-aabuso, at pagmamalupit noong panahon na iyon. 

Uri ng Akda

Ang El Filibusterismo-- tulad ng Noli Me Tangere-- ay isang uri ng Nobela. Ang nobela ay isang mahabang kuwentong piksyon na binubuo ng iba't ibang kabanata. 


Elemento ng Nobela 
1. Tagpuan- lugar at panahon ng mga pinangyarihan
2. Tauhan- nagpapagalaw at nagbibigay buhay sa nobela
3. Banghay- pagkakasunud-sunod ng mga pangyayari
4. pananaw- panauhang ginagamit ng may akda
    a. una- kasali ang may akda
    b. pangalawa- ang may akda ang nakikipag usap
    c. pangatlo- batay sa nakikita o obserbasyon ng may akda
5. Tema- paksang-diwang binibigyang diin sa nobela
6. Damdamin- nagbibigay kulay sa mga pangyayari
7. Pamamaraan- istilo ng manunulat 
8. Pananalita- diyalogong ginagamit sa nobela
9. Simbolismo- nagbibigay ng mas malalim na kahulugan sa tao, bagay at pangyayarihan 

Layunin ng Akda

Ang nobelang El Filibusterismo o ang Paghahari ng Kasakiman ay isinulat ni Jose Rizal upang ihandog para sa tatlong paring martir, na siyang naging pangunahing dahilan kung bakit ito itinuring na isang nobelang Politikal. Makikita sa El Filibusterismo na ang pagiisip ni Rizal ay napunta na sa pagiging rebolusyon mula sa pagiging repormista.

Teorya
Ang isa sa mga teorya ng El Filibusterismo ay
HUMANISMO dahil ang teoryang ito ay nagbibigay pansin sa tao, at sa istorya, ang mga tauhan ng Pilipinas ang binibigyang pansin. Ang ikalawang teorya na nakapaloob sa El Filibusterismo ay ang REALISMO, dahil ang Realismo ay nagpapakita ng mga pangyayaring maaaring mangyari na rin sa buhay, at ang mga ito ay makikita sa istoryang binasa.

Tema
Ang tema ng El Filibusterismo ay pampolitika na nagpapadama, nagpapahiwatig at nagpapagising pang lalo sa maalab na hangaring makapagtamo ng tunay na kalayaan at karapatan ng bayan. 

Tauhan
SIMOUN- ang mayamang mag-aalahas na nakasalaming may kulay, umano'y tagapayo ng Kapitan Heneral ngunit siya ay si Crisostomo Ibarra na nagbalik upang maghiganti sa kanyang mga kaaway.
ISAGANI- ang makatang kasintahan ni Paulita, pamangkin ni Padre Florentino
BASILIO- ang mag-aaral ng medisina at kasintahan ni Juli
KABESANG TALES- ang naghahangad ng karapatan sa pagmamay-ari ng lupang sinaka na inaangkin ng mga prayle
TANDANG SELO- ama ni Kabesang Tales na nabaril ng kanyang sarili apo
SENYOR PASTA- ang tagapayo ng mga prayle sa mga suliraning legal
BEN-ZAYB- ang mamamahayag sa pahayagan
PLACIDO PENITENTE- ang mag-aaral na nawalan ng ganang mag aral sanhi ng suliraning pampaaralan
PADRE SALVI- ang paring Franciscanong dating kura ng bayan ng San Diego

Tagpuan
Ang mga tagpuan sa buod ng El Fili ay ang mga sumusunod,
una ay ang Bapor Tabo kung saan pinakilala ang ilang tauhan sa nobela. Sunod ay ang kumbento ng Santa Clara kung saan nandoon si Maria Clara, tinangkang pasukin ito ni Simoun ito ngunit hindi ito natuloy. Sunod ay ang ilog, dito hinagis ni Isagani ang lamparang may granada na bigay ni Simoun. Huli, ay ang dagat. Dito nagwakas ang nobela, dito hinagis ni Padre Florentino ang kayamanan ni Simoun 

Nilalaman
Kung babasahin ang nobela, umiikot ito sa balak na paghihiganti ni Simoun at pagligtas niya dapat Maria Clara. May mga matutununan din sa nobelang ito kung iintindihin natin.

Estilo
Epektibo ang estilo ng pagkakasulat na ginamit ni Jose Rizal sa pagkakabuo ng El Filibusterismo. Dahil naipahatid niya sa mga Pilipino ang mensaheng nais niyang mangyari o maiparating. Tila naging pangalawang bahagi din ito ng Noli Me Tangere dahil mayroong pagkakapareho ang bawat karakter kaya magpasa hanggang ngayon, maraming mga mambabasa ang interesado pa ring basahin ang dalawang akda ni Jose Rizal.

Buod
Tinalakay ng Buod ng El Filibusterismo na aming nabasa ang nangyari kay Crisostomo Ibarra (ngayo'y nasa katauhan ni Simoun) sa kanyang pagbabalik dito sa PIlipinas. Tinatalakay din ng El Fili ang nais ni Ibarra na maipaghiganti si Maria Clara dahil sa pagkamatay nito sa loob ng kumbento.

Awit ng Ina sa Kaniyang Panganay: Awitin ng Panghele ng mga taga-Didinga/Lango

Awit ng Ina sa Kaniyang Panganay: Awitin ng Panghele ng mga taga-Didinga/Lango
Salin sa ingles ni JACK H. DRIBERG
Salin sa Filipino ni MARINA GONZAGA-MERIDA

PAGKILALA SA MAY AKDA

               Jack Herbert Driberg -ipinanganak noong Abril 1888 at pumanaw noong ika-5 ng Pebrero taong 1946. Isa siyang anthropologist mula sa Britanya. Nagtrabaho sa Uganda Protectorate taong 1912 at lumipat sa Anglo-Egyptian Sudan kung saan sya nanatili hanggang 1925.

URI NG PANITIKAN

                TULA- isang akdang pampanitikang naglalarawan ng buhay,hinango sa guni-guni, pinaparating sa ating damdamin at ipinapahayag sa salitang may ka aliw-aliw.

                   Mga Elemento:

                              Sukat-tumutukoy sa bilang ng pantig ng bawat taludtodna bumubuo sa isang saknong.
                              Saknong-isang grupo sa loob ng isang tula na may dalawa o marami pang linya.
                              Tugma-ang huling pantig ng bawat salita ay magkakatugma.
                              Karikitan-mga maririkit na salita na nagbibigay ng buhay sa tula.
                              Talinhaga-mga malalim na salita.

LAYUNIN NG AKDA

           

      Nilalayon nito na maipakita  na ang mga ina ay talagang natatangi. Mataas at naparami ng mga pangarap nila para sa kanilang mga anak at kung gaano sila nagsasakripisyo para sa kanilang anak. Pinapakita rin dito na wala silang ibang hinangad kundi kabutihan lamang para sa kanilang anak.

TEORYANG PAMPANITIKAN

               BAYOGRAPIKAL- Maaring naging karanasan ito ng sumulat na magkaroon ng inang pinapakita sa kanya ang pagmamahal nito.

              HUMANISMO – naipapakita dito ang kakayahan ng tao na magmahal ng anak nila ikaw man ay ina o anak.

TEMA 

  

          Ang tema ay nakatuon sa pagpapahalaga ng pag-aalaga at pagmamahal ng isang ina sa kanyang panganay na anak at pagiging matatag sa mga problemang haharapin at buong pusong pagtupad ng kanyang obligasyon at mga kailangan para sa pag-aaruga at pagmamahal ng kaniyang panganay.

TAUHAN 

          Ang INA ang pangunahing tauhan ipinapakita dito ang pagpapahalaga at pag-iingat ng ina sa kanyang anak.

Ang PANGANAY na anak dito linalabas ng buong puso ng ina ang kanyang pagmamahal.

TAGPUAN

               

                     Ang tagpuan ng kwentong ito ay sa bansang Uganda.

NILALAMAN O BALANGKAS NG PANGYAYARI

      

              Kapag binasa mo ang tula’y makikita mo ang pagmamahal ng isang ina sa kaniyang anak. Makikita ang pagiging isang suportadong ina na natutuwa sa nangyayari sa kaniyang anak.

MGA KAISIPAN O IDEYANG TAGLAY NG AKDA

               

                  Mga ideya sa akda:  

                                             - Ang isang ina ay   mamahalin at   susuportahan ang   kanyang anak sa desisyon   nito sa buhay.

                                             - Bilang isang ina,   ipagmamalaki mo ang   iyong magiging anak sa   abot ng iyong makakaya

ESTILO NG PAGSULAT

             

  Ang paggamit ng matatalinhagang salita ang naging estilo ng may akda sa pagsulat ng tula. Epektibo ang naging pamamaraan nya sapagkat mas nagiging malawak ang pag-iisip ng mamababasa. Masining ang pagkakagawa at ito’y kakaiba.  Nagtataglay din ito ng kahusayan na nagbibigay ng interes sa mga mambabasa. 

BUOD

                 Sa umpisa ng kwento ay ang pag-alala ng ina sa mga panahong ang kanyang anak ay maliit pa hanggang sa ito’y lumaki na at nagsimulang tuparin ang kaniyang tungkulin. Pinakita sa tula na sa lahat ng laban ng kaniyang anak ay suportado ito ng kaniyang ina at pinagmamalaki niya ang kanyang panganay na anak.